Чыжа падазраюць у нявыплаце падаткаў у асабліва значнай суме
114- 13.03.2016, 12:37
- 34,057
З'явілася новая інфармацыя паводле арышту гендырэктара «Трайпла» Юрыя Чыжа.
Пра гэта tut.by паведаміў начальнік прэс-службы Камітэта дзяржбяспекі Дзмітрый Пабяржын.
«Юрый Чыж затрыманы праз падазрэнне ва ўчыненні злачынства, прадугледжанага ч.2 арт.243 (Ухіленне ад выплаты падаткаў, збораў у асабліва значнай суме) Крымінальнага кодэкса РБ», - сказаў Пабяржын.
З яго слоў, разам з саўладальнікам «Трайпла» затрыманыя «яшчэ шэраг асобаў», якія падазраюцца ва ўчыненні і саўдзеле ў названых злачынствах.
Усе яны знаходзяцца ў СІЗА КДБ. Зараз праводзяцца неадкладныя следчыя дзеянні і неабходныя аператыўна-вышуковыя мерапрыемствы, сказаў Пабяржын.
Нагадаем, у жніўні 2015 года стала вядома аб затрыманні першага намесніка гендырэктара «Трайпла» Уладзіміра Япрынцава. У снежні старшыня КДБ Валерый Вакульчык пацвердзіў затрыманне партнёра Чыжа. «Абвінавачваецца ў махлярстве», - сказаў Вакульчык.
Злачынства паводле ч.2 арт.243 Крымінальнага кодэкса Беларусі караецца абмежаваннем волі на тэрмін да пяці гадоў або пазбаўленнем волі на тэрмін ад трох да сямі гадоў з канфіскацыяй маёмасці або без канфіскацыі і з пазбаўленнем права займаць пэўныя пасады або займацца пэўнай дзейнасцю або без пазбаўлення.
Значнай сумай шкоды прызнаецца ўхіленне ад выплаты падаткаў, збораў на суму, што ў тысячу і больш разоў перавышае суму базавай велічыні, устаноўленай на дзень учынення злачынства, асабліва значнай сумай - у дзве тысячы пяцьсот і больш разоў перавышае суму такой базавай велічыні.