АБСЕ інспектуе авіябазу ў Лідзе
2- 24.05.2016, 15:41
- 4,527
Інспектары 26 дзяржаў - удзельніц АБСЕ наведваюць сёння 116-ю гвардзейскую штурмавую авіяцыйную базу ў Лідзе.
Як паведамляе БелаПАН са спасылкай на прэс-службу Міністэрства абароны Беларусі, брыфінг для замежных вайскоўцаў аб структуры і задачах базы правядзе сёння камандзір часткі. Затым прадстаўнікам верыфікацыйных цэнтраў будуць прадэманстраваныя новыя тыпы асноўных сістэм узбраення і тэхнікі, прынамсі, самалёт Як-130.
Інспектары таксама азнаёмяцца з вучэбна-трэніровачным самалётам Л-39 і баявым самалётам Су-25, якія знаходзяцца на ўзбраенні, падрыхтоўкай авіяцыйнай тэхнікі да выканання палётаў, выкананнем рэгламентных работ у тэхніка-эксплуатацыйнай часткі, а таксама падрыхтоўкай пілотаў на комплексным авіяцыйным трэнажоры.
Удзельнікі мерапрыемства змогуць паназіраць за выкананнем фігур пілатажу, пагутарыць з асабовым складам авіябазы, наведаць авіяцыйны музей часткі, казармы, азнаёміцца з арганізацыяй харчавання вайскоўцаў.