У Турцыі выдадзены ордэры на арышт яшчэ 47 журналістаў

Арышт закране супрацоўнікаў былога апазіцыйнага выдання Zaman.

У рамках расследавання справы аб спробе путчу ў Турцыі ўлады гэтай краіны выдалі ордэры на арышт 47 журналістаў, якія раней працавалі ў апазіцыйнай газеце Zaman, паведамляе Deutche Welle.

Акрамя былых кіруючых супрацоўнікаў, затрыманню падлягаюць і некаторыя калумністы гэтага выдання. Раніцай у сераду, 27 ліпеня, паліцыя з'явілася ў дом журналіста Шахіна Алпая ў цэнтральнай частцы Стамбула і, пасля двухгадзіннага ператрусу, затрымала яго.

Газета Zaman раней належала руху Hizmet, узначаленаму ісламскім прапаведнікам Фетхулахам Гюленам. Улады Турцыі абвінавачваюць які пражывае ў ЗША Гюлена ў арганізацыі спробы путчу, аднак прапаведнік сцвярджае, што не мае дачынення да няўдалага дзяржаўнага перавароту. У сакавіку ўлады Турцыі ўзялі газету Zaman пад прымусовае кіраванне. З тых часоў яна публікуе выключна праўрадавыя матэрыялы.

25 ліпеня ў Турцыі былі выдадзеныя ордэры на арышт 42 журналістаў, у тым ліку вядомай каментатаркі і былой дэпутаткі парламента Назлі Ілічак. Яна была затрыманая 26 ліпеня.

У цэлым, з часу падаўлення спробы путчу ў Турцыі затрыманыя, адхіленыя ад пасады або знаходзяцца пад следствам больш за 60 тысяч вайскоўцаў, паліцыянтаў, суддзяў, настаўнікаў і дзяржаўных службоўцаў.