У Францыі назвалі імя другога нападніка на царкву тэрарыста

Тэрарысты, якія напалі на царкву, прысягнулі на вернасць тэрарыстычнай групоўцы «Ісламская дзяржава».

Французскія праваахоўныя органы высветлілі асобу другога тэрарыста, які напаў на царкву ў мястэчку Сэнт-Эцьен-дзю-Руврэ на поўначы краіны. Ім аказаўся 19-гадовы Абдэль Малік Петыт (Abdel Malik Petitjean), паведамляе ў чацвер, 28 ліпеня, BBC News.

Le Figaro адзначае, што маладзён нарадзіўся ў горадзе Сен-Дзье-дэ-Вож, размешчаным на паўночным усходзе Францыі. Дакументы, якія сведчаць яго асобу, былі знойдзеныя ў яго саўдзельніка - Адэля Карміша, паведамляе lenta.ru.

Паводле інфармацыі выдання, Петыт раней не быў судзімы, аднак трапляў у поле зроку спецслужбаў, бо ў 2015 годзе двойчы спрабаваў выехаць у Сірыю.

Раней тэлеканал Al Arabiya паведаміў, што тэрарысты, што напалі на царкву ў Францыі, прысягнулі на вернасць тэрарыстычнай групоўцы «Ісламская дзяржава».

Атака на прыход у Сэнт-Эцьен-дзю-Руврэ была ўчынена раніцай 26 ліпеня. Двое ўзброеных нажамі мужчын зайшлі з чорнага ўваходу і захапілі закладнікаў. Палоннымі апынуліся пяць чалавек: 84-гадовы святар, дзве манашкі і двое вернікаў. Адной манашцы ўдалося збегчы і выклікаць паліцыю. Пазней байцы спецпадраздзялення ліквідавалі тых, хто нападаў. Адзін з закладнікаў - святар - загінуў. Са слоў паліцыянтаў, яму перарэзалі горла.