Расея зноў скарачае пастаўкі нафты ў Беларусь
12- 22.09.2016, 16:28
- 21,529
РФ у IV квартале 2016 года плануе скараціць пастаўкі нафты ў Беларусь нафтаправодным транспартам да 3 мільёнаў тон.
Як паведаміў interfax.by прэс-сакратар «Транснафты» Ігар Дзёмін, зацверджаны графік паставак нафты ў Беларусь у сістэме магістральных нафтаправодаў на чацвёрты квартал мяркуе пастаўку да 3 млн тон нафты. У трэцім квартале паводле графіку ў Беларусь будзе перапампавана боль за 3,5 млн тон расейскай нафты.
Такім чынам, за 2016 год у Беларусь будзе пастаўлена 18 млн тон нафты, тады як у пачатку года аб'ём паставак нафты па «трубе» чакаўся ў 23 млн тон.
Нагадаем, у трэцім квартале было вызначана скараціць пастаўкі нафты ў Беларусь з 5,3 млн тонаў да 3,5 млн тон. Кіраўнік Мінэнэрга Аляксандр Новак і віцэ-прэм'ер РФ Дварковіч патлумачылі, што зніжэнне звязанае з канфліктам у неаплатах Беларусі за расейскі газ.