Рыбак з Ашмянаў злавіў шчупака памерам з кракадзіла
28- 19.04.2024, 8:16
- 22,378
Фотафакт.
Вясна - добры час для рыбалкі на драпежную рыбу, адразу ж пасля заканчэння забароны на лоўлю шчупака рыбак з Ашмянаў злавіў «кракадзіла», піша fishingby.com.
Паводле слоў рыбака, вага рыбы склала 12,3 кг, што па мерках беларускіх рыбалоўных угоддзяў з'яўляецца прыстойнай здабычай — марай многіх рыбакоў, якія захапляюцца спінінгам.
Месца злову шчупака рыбак не выдае, асцерагаючыся наплыву прыезджых на вадаём.
За апошнія гады беларускія рыбакі не аднойчы лавілі шчупакоў вагой большай за дзесяць кг. Здабыць самага буйнога шчупака вагой 19,460 кг пашчасціла Сяргею Лісаву са Слаўгарада. Рыба была злоўленая на рацэ Сож. Пабіць яго рэкорд дагэтуль не ўдалося ніводнаму беларускаму рыбаку.