Протас вярнуўся пасля траўмы: «Вашынгтон» перамог «Сіэтл»

Беларускі форвард гуляў на правым флангу чацвёртага звяна.

У рамках рэгулярнага чэмпіянату НХЛ «Вашынгтон» у гасцях абгуляў «Сіэтл» з лікам 2:1, паведамляе belarushockey.com.

Беларускі форвард «Кэпіталз» Аляксей Протас вярнуўся ў строй пасля траўмы і гуляў на правым флангу чацвёртага звяна. Яго партнёрамі сталі Нік Даўд і Бек Маленстайн.

У выніку Протас правёў на лёдзе 12:49 (з іх 0:53 у меншасці), нанёс 4 кідкі (1 з іх міма), ужыў 1 хіт і зарабіў паказчык карыснасці «0».

У сезоне Аляксей у 63 матчах набраў 28 (5+23) балаў, пры паказчыку карыснасці «-3» і 6 хвілінах штрафу.

«Вашынгтон» з 71 баламі ў 64 матчах займае 10-е месца ў табліцы Усходняй канферэнцыі.

Сіэтл - Вашынгтон - 1:2 (0:0, 0:1, 1:1, 0:0)

0:1 – 34 Ошы ()

1:1 – 43 Б'ёркстран (Ямамота, Гурдэ)

1:2 – 51 Макмайкл ()