Беларускі футбаліст, які стаў зоркай у чэмпіянаце Польшчы, можа перайсці ў італійскі клуб

Сума патэнцыйнай угоды хаваецца.

Беларускі нападнік Ілля Шкурын, які змагаецца за годнасць найлепшага бамбардзіра польскай Экстраклясы ў складзе клуба "Сталь" з Мельца, можа перайсці ў італійскую "Балонню". Пра гэта паведамляе Tribuna.com. Інфармацыю аб тым, што скаўты «Балонні» сочаць за выступамі беларуса, пацвярджаюць і польскія мэдыі.

Цяпер 24-гадовы Шкурын, які перайшоў у "Сталь" перад пачаткам гэтага сэзона, займае другое месца ў спісе найлепшых бамбардзіраў найвышэйшай лігі чэмпіянату Польшчы. На рахунку форварда 12 забітых галоў і 5 галявых перадач у 24 матчах Экстраклясы. У польскіх мэдыях Шкурына называюць зоркай мясцовага чэмпіянату.

Сума патэнцыйнай угоды не называецца, аднак надоечы прэзідэнт "Сталі" Яцэк Клімэк заяўляў, што ахвочы расчацца з перамовамі аб трансферы Шкурына, калі пакупнік прапануе 2,5 млн еўраў.

«Балоння» — адно з адкрыццяў італійскай Сэрыі А гэтчага сезона. Пасля 28 згуляных тураў клуб пад кіраўніцтвам Тыягу Моты займае чацвёрты радок у табліцы, якая дае права прадстаўляць краіну ў Лізе чэмпіёнаў наступнага сезона. Вышэй — толькі гістарычныя гранды: "Інтэр", "Мілан" і "Ювэнтус".

Ілля Шкурын у 2020 годзе падтрымаў пратэстоўцаў, а затым адмовіўся выступаць за нацыянальную каманды краіны датуль, пакуль ва ўладзе знаходзіцца Лукашэнка.