Ягор Шаранговіч здолеў набраць 50 балаў за сезон у НХЛ

Ён зрабіў гэта пятым сярод беларусаў.

Нападнік «Калгары Флэймз» Ягор Шаранговіч стаў пятым беларусам, які набраў 50 балаў у рэгулярным чэмпіянаце Нацыянальнай хакейнай лігі за сезон.

У апошнім матчы сваёй каманды супраць «Манрэаль Канадыенс» Шаранговіч вызначыўся галявой перадачай. Цяпер на ягоным рахунку 28 галоў і 22 асістэнцкія балы ў гэтым чэмпіянаце.

«Калгары» перамог «Манрэаль» (5:2) і пасля 67 гульняў займае 11-е месца ў Заходняй канферэнцыі НХЛ. Адставанне ад зоны плэй-оф – 6 балаў.

Нагадаем, у рэгулярным чэмпіянаце каманды праводзяць 82 матчы.

Да Шаранговіча 50 і больш балаў за сезон набіралі чатыры беларусы. Найлепшы вынік належыць Міхаілу Грабоўскаму. У сезоне 2010/11 ён зарабіў 58 (29+29) балаў за выніковасць у складзе «Таронта». За Грабоўскім ідзе Андрэй Касціцын, які ў сезоне 2007/08 вызначыўся 53 (26+27) баламі за «Манрэаль». Уладзімір Цыплакоў, гуляючы за «Лос-Анджэлес», у сезоне 1997/98 набраў 52 (18+34) балы. Нарэшце, Сяргей Касціцын, малодшы брат Андрэя, у сезоне 2010/11 здабыў 50 (23+27) балаў у форме «Нэшвіла».