Белоруска Ольга Мазуренок заняла второе место на марафоне в Лос-Анджелесе
5- 17.03.2024, 19:29
- 5,096
Летась лёгкаатлетка пераехала ў ЗША.
Вольга Мазуронак стала срэбранай прызёркай традыцыйнага марафону ў Лос-Анджэлесе. Лёгкаатлетка з Беларусі фінішавала другой, прабегшы 42 кіламетры 195 метраў за дзве гадзіны 25 хвілін і 49 секунд, паведамляе «Люстэрка».
Адзначым, што Мазуронак выступала ўпершыню з Алімпіяды 2021 года ў Токіа, дзе яна заняла пятае месца.
У Лос-Анжэлесе Вольга, якая была чэмпіёнкай Еўропы ў 2018 годзе, выканала алімпійскі нарматыў. Ён складае 2.26.50. Праўда, пакуль невядома, ці зможа стартаваць бягунка на Гульнях у Парыжы. Беларусы не дапушчаны да міжнародных спаборніцтваў пад эгідай Міжнароднай федэрацыі лёгкай атлетыкі.
Асабісты рэкорд беларускі на самай доўгай алімпійскай дыстанцыі – 2.23.54. Гэты вынік яна паказала на марафоне ў Лондане ў 2016 годзе.
У верасні летась Мазуронак пераехала ў Лос-Анджэлес. Перад забегам у ЗША Вольга правяла збор у Кеніі.
Пасля выбараў у 2020 годзе яна падпісала ліст свабодных спартоўцаў супраць гвалту.