Зборы футбольнай каманды Беларусі ў Турцыі каштавалі $170 тысяч

Падчас іх беларусы згулялі два таварыскія матчы, расчараваўшы заўзятараў.

Зборы футбольнай каманды Беларусі ў Турцыі каштавалі $170 тысяч, піша «Трыбуна» са спасылкай на свае крыніцы. Падчас яго беларусы згулялі два таварыскія матчы, якія расчаравалі заўзятараў. Яны саступілі Чарнагорыі (0:2) і згулялі ўнічыю з Мальтай (0:0).

Трэніровачныя зборы пачаліся 18 сакавіка ў Турцыі, а скончыўся 27 сакавіка на Мальце. Згаданая сума - гэта толькі пражыванне і арэнда стадыёна ў Анталлі. Яе аплаціла Беларуская федэрацыя футбола.

Тым часам з федэрацыяй працягвае судзіцца былы галоўны трэнер каманды Георгій Кандрацьеў. Ён незадаволены, што яго звольнілі і не заплацілі кампенсацыю за тры месяцы.