Чыстка льготнай чаргі: зверку не прайшлі ўжо 40 тысяч чалавек

Каля 40 тыс. грамадзян, якія стаяць у чарзе на паляпшэнне жыллёвых умоў, выключаны са спісаў, так як «не маюць неабходнасці будаваць жыллё».

Аб гэтым сёння паведаміў журналістам намеснік прэм'ер-міністра Беларусі Анатоль Калінін, перадае БелТА. Кіраўніком дадзена даручэнне да 2 красавіка 2013 года перагледзець спісы чаргавікоў, праца ўжо вядзецца і дае першыя вынікі, канстатаваў Анатоль Калінін.

«Мы павінны дапамагаць грамадзянам, якія маюць патрэбу і не маюць камфортных умоў пражывання, усе астатнія павінны будаваць на камерцыйным рынку жылля», - сказаў намеснік прэм'ер-міністра. Акрамя таго, ён звярнуў увагу, што ствараецца арэнднае жыллё для грамадзян.

Толькі ў Менску ў цяперашні час на ўліку маючых патрэбу ў паляпшэнні жыллёвых умоў стаяць каля 270 тыс. чалавек. У выніку ўдакладнення дадзеных з пачатку года чарга скарацілася прыкладна на 12 тыс., так як у многіх грамадзян адпалі падставы ў ёй знаходзіцца.

У мінулыя гады ў выніку лібералізацыі жыллёвага заканадаўства, міграцыйных працэсаў чарга павялічвалася, нягледзячы на высокія тэмпы жыллёвага будаўніцтва. Дарэчы, на 1 студзеня 1999 года ў паляпшэнні жыллёвых умоў мелі патрэбу больш за 100 тыс. сем'яў.