banner1 banner1 banner1

5.12.2012

ААН разглядае скаргу Андрэя Саннікава важная навіна 82

14:57, — Палітыка

ААН разглядае скаргу Андрэя Саннікава

У Камітэце ААН па правах чалавека разглядаецца скарга аб парушэнні праў кандыдата ў прэзідэнты Беларусі.

Андрэй Саннікаў адправіў паведамленне ў Камітэт ААН па правах чалавека праз некалькі месяцаў пасля вызвалення з турмы, у ліпені 2012 года. Сёння стала вядома, што скарга прынятая да разгляду.

«Гаворка ідзе аб парушэнні маіх праў падчас арышту, турэмнага ўтрымання, следства, судовага працэсу. У дачыненні да мяне ўжываліся катаванні. Па палітычных матывах былі парушаныя ўсе мае правы: як грамадзяніна і як кандыдата ў прэзідэнты. У скарзе падрабязна разбіраецца кожнае парушэнне артыкулаў Факультатыўнага пратакола да Пакта аб грамадзянскіх і палітычных правах.

У гэтым дакуменце гаворка ідзе не толькі аб парушэнні маіх праў, але і парушэнні праў грамадзян Беларусі на свабоду слова, свабоду сходаў, свабоду мірных дэманстрацый і права на свабоду выбару.

Гэта неабходны крок для таго, каб было ўстаноўлена парушэнне міжнароднага права з боку беларускіх уладаў. Гэта будзе азначаць маю поўную рэабілітацыю нават па беларускіх законах, паколькі ў Канстытуцыі Беларусі ўстаноўлены прымат міжнароднага права. Паводле міжнародных абавязацельстваў улады любой краіны, якая падпісала Пратакол, абавязаны выконваць рашэнні па такіх скаргах. Варта адзначыць, што Беларусь ратыфікавала такі Пратакол ў 1992 годзе. І ўсё роўна, выканаюць ці не выканаюць ўлады рашэнне Камітэта па правах чалавека. Мне такое рашэнне дасць маральнае і юрыдычнае права вылучаць свае абвінавачванні супраць беларускіх уладаў», - сказаў Саннікаў у інтэрв'ю charter97.org.

Лідэр грамадзянскай кампаніі «Еўрапейская Беларусь», кандыдат у прэзідэнты Андрэй Саннікаў быў арыштаваны 19 снежня 2010 года па абвінавачванні ў арганізацыі акцый пратэсту супраць фальсіфікацыі вынікаў прэзідэнцкіх выбараў. Прысуджаны да 5 гадоў пазбаўлення волі. У турме падвяргаўся катаванням і здзекаванням. Быў вызвалены праз 1,5 года. Быў вымушаны пакінуць Беларусь, бо ўлады пагражалі яму паўторным арыштам. Атрымаў палітычны прытулак у Велікабрытаніі.


Навіны
па тэме


Напісаць каментар (82)

Экспарт




Курсы валют Нацыянальнага банка

Валюта  22.12.14  23.12.14
EUR13 320,0013 400,00
USD10 900,0010 930,00
RUB187,00193,50



Учора на сайце:

наведвальнікаў 254892
праглядаў 1335395

пн аў ср чц пт сб нд
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: