У Менску ў гадзіну пік перакуліўся грузавік з таварам

Раніцай у аўторак на вул. Ваўпшасава ў сталіцы грузавік апынуўся на баку.

Яго фургон быў пашкоджаны, прадукты, якія перавозіліся, ляжалі на праезнай частцы. Інфармацыя пра пацярпелых не пацвердзілася, шпіталізацыя нікому не спатрэбілася. У ДАІ Партызанскага раёна паведамілі, што ў ГАЗа на хаду адвалілася кола.

«У 7-20 праяжджаў каля трактарнага ляжыць газон на баку на сустрэчнай паласе, будка разламаная, упакоўкі прадуктаў раскіданыя, дзяўчына сядзела каля дрэва трымаючы хустку ў руцэ і прыкрываючы галаву», - першым аб гэтым здарэнні паведаміў удзельнік форуму onliner.by YxA (тут і далей арфаграфія і пунктуацыя аўтараў захаваныя).

Як удакладняюць іншыя карыстальнікі, рух на вул. Ваўпшасава быў моцна абцяжараны, спыніліся тралейбусы. Таксама заторы назіраюцца на вул. Даўгабродскай і прылеглых.

Адразу ж з'явілася інфармацыя пра прычыну здарэння. «Так сапраўды ў раёне 7:20 на вуліцы Ваўпшасава паміж маторным і трактарным заводамі ў ГАЗона адвалілася кола і ён паваліўся на бок», - у прыватнасці, указаў карыстальнік пад нікам Знакаміты.

У ДАІ Партызанскага раёна пацвердзілі гэтыя дадзеныя: «Аўтамабіль належыць заводу безалькагольных напояў. За рулём знаходзіўся 51-гадовы мужчына. Ён рухаўся з боку вул. Радыяльнай да вул. Даўгабродскай. Як распавёў кіроўца, на спуску машыну павяло налева. Пасля гэтага аўтамабіль выехаў на сустрэчную паласу і перакуліўся. Папярэдне, ДТЗ здарылася з-за тэхнічнай няспраўнасці».

У ДТЗ ніхто не пацярпеў. Цяпер высвятляецца, хто выпусціў такую машыну ў рэйс.