Нігерыйскія студэнты разграмілі амбасаду ў Маскве

Студэнты з Нігерыі ўчынілі пагром у амбасадзе сваёй краіны ў Маскве.

Інцыдэнт адбыўся напярэдадні каля 21:00 па маскоўскім часе. Па дадзеных паліцыі, у нападзе на дыппрадстаўніцтва ўдзельнічалі 16 чалавек.

У будынак па адрасе Мамонаўскі завулак, д.5 студэнты прыбылі для вырашэння фінансавых пытанняў, у прыватнасці выказвалі незадаволенасць затрымкай стыпендыі. Аднак на прыёме ў амбасадзе праблемы маладых людзей не вырашылі, у выніку чаго нігерыйцы адмовіліся сыходзіць, пачалі ламаць мэблю ў канферэнц-зале і пагражаць пагромам у іншых памяшканнях, паведамляе РБК.

Ліст з просьбай дапамагчы вывесці буяных студэнтаў з амбасады Нігерыі па факсе паступіў маскоўскім праваахоўнікам. Маладыя людзі былі затрыманыя і дастаўленыя да 23:00 мск у аддзяленне паліцыі. На хуліганаў складзеныя пратаколы аб адміністрацыйным правапарушэнні, якія рыхтуюцца да перадачы на разгляд у суд. Цяпер ім пагражаюць штрафы ў памеры 5-7 тыс. рублёў і высяленне з РФ.

Нагадаем, гэта не першы канфлікт нігерыйскіх студэнтаў з прадстаўнікамі сваёй амбасады ў Расеі. У мінулым годзе па прычыне нявыплаты стыпендый некалькі навучэнцаў сталічных ВНУ збілі супрацоўніка дыпмісіі.