Нобелеўскую прэмію міру атрымалі барацьбіты з хімзброяй
1- 11.10.2013, 12:20
- 4,977
Нобелеўская прэмія міру 2013 года прысуджаная Арганізацыі па забароне хімічнай зброі.
Пра гэта гаворыцца ў паведамленні на сайце Нобелеўскага камітэта.
У мінулым годзе лаўрэатам прэміі стаў Еўразвяз, арганізацыю ўзнагародзілі «за доўгатэрміновую ролю ў аб'яднанні кантынента». Гэта рашэнне выклікала масу спрэчак у грамадстве і сур'ёзныя пратэсты еўраскептыкаў, піша «Газета.Ru».
У гэтым годзе выказваліся самыя розныя прагнозы датычна імёнаў лаўрэатаў: ад юнай пакістанскай праваабаронцы Малалы Юсафзай, якая ўчора атрымала прэмію Еўрапарламента імя Сахарава, да Арганізацыі па забароне хімічнай зброі. У 2013 годзе на Нобелеўскую прэмію былі таксама вылучаныя старшыня Маскоўскай Хельсінкскай групы Людміла Аляксеева і беларускі праваабаронца і палітвязень Алесь Бяляцкі.
Фота: AP