Лукашэнка: ЗША стварылі свабодалюбівыя бандыты

ЗША стварылі бандыты, якія не жадалі думаць ні пра што, акрамя свайго кашалька, лічыць беларускі кіраўнік.

Пра гэта ён заявіў, выступаючы перад студэнтамі Магілёўскага дзяржаўнага ўніверсітэта ім. Аркадзя Куляшова, перадае «Росбалт».

«Гэтай краіне, напэўна, крыху больш за трыста гадоў - Амерыцы. Ну і якая гэта нацыя - вы ўсе ведаеце, як яна фармавалася - таксама», - сказаў Лукашэнка. Відавочна, пад Амерыкай выпускнік магілёўскага педінстытута (цяпер - універсітэта) разумее не кантынэнт, а ЗША.

Лукашэнка паведаміў, што з боку Захаду яго часта крытыкуюць, а ён сам часам шкадуе пра свае крытычня заявы ў адрас сваіх крытыкаў. У прыватнасці, ён згадаў пра свае нядаўнія выказванні ў адрас прэзідэнта ЗША Барака Абамы, якога назваў нашчадкам неграў, якія атрымалі свабоду, але апантаны ідэяй выключнасці амерыканскай нацыі, ён навязвае сваю волю ўсяму астатняму свету. Лукашэнка звярнуўся да гісторыі ўтварэння ЗША. «Вы ведаеце, хто пераплываў праз акіян - гэта значыць гэта бандыты былі, але людзі свабодалюбівыя. Яны акрамя кашалька свайго, у банк, куды трэба пайсці там, прыйсці ўзяць і пабудаваць хатку і вакол гэтай хаткі - нічога і ведаць не жадалі», - дадаў Лукашэнка, характарызуючы каланістаў з Еўропы, якія заснавалі ЗША, адзначае REGNUM.

Ён дадаў, што ў ЗША каля 50 млн чалавек «паміраюць пад плотам» без медыцынскай дапамогі. У постсавецкай Беларусі такая жахлівая сацыяльная несправядлівасць неймаверная, упэўнены кіраўнік дзяржавы. Ён нагадаў, што ўлады ЗША не хвалююць сацыяльныя праблемы - у тым ліку прапанаваная Абамам рэформа сістэмы медыцынскага страхавання. Ацэньваючы гэтую рэформу, якая выклікала нязгоды ў Кангрэсе ЗША, Лукашэнка сказаў: «Абама падняў дадзенае пытанне - аб лячэнні пяцідзесяці з лішнім мільёнаў амерыканцаў, якія сёння паміраюць пад плотам, захварэў - да цябе ніхто не падыходзіць. Ён правільна заявіў аб медыцынскім страхаванні сярод людзей. І што - прайшло? Не прайшло».

Нагадаем, у пачатку кастрычніка Аляксандр Лукашэнка, каментуючы палітыку ЗША ў дачыненні да Сірыі паказаў на «рабскае» паходжанне амерыканскага прэзідэнта: «І наогул, мяне Абама дзівіць. Яшчэ зусім нядаўна чарнаскурыя людзі ў Амерыцы рабамі былі, а сёння ўжо аб выключнасці нейкай заяўляюць. Я ніколі не думаў, што чалавек, які выйшаў з гэтых бедных слаёў, зможа наогул рыторыку такую ў свеце праводзіць. Гэта недапушчальна, гэта вельмі небяспечна».