Аддзяленне «Белпошты» ў Курасоўшчыне не працавала: усе звольніліся
86- 24.06.2013, 15:31
- 91,894
Жыхары сталічнага мікрараёна Курасоўшчына сёння не змаглі трапіць у памяшканне паштовага аддзялення №108.
Яно знаходзіцца па адрасе: вуліца Каржанеўскага, 25.
Чытачы сайта charter97.org паведамілі, што ў 10.15 раніцы каля дзвярэй аддзялення пошты сабраўся натоўп людзей, але яно так і не адкрылася.
«Сёння прыйшоў на пошту (аддзяленне сувязі №108). Сутнасць такая: у 10.15 стаіць натоўп чалавек 20 каля ўваходу, чакаюць адкрыцця, на дзвярах няма ніякай аб'явы. Людзі кажуць, што загадчыца аддзялення адпрацавала 2 тыдні, стамілася, не выйшла, а работнікі касы апынуліся практыканткамі і звольніліся», - піша адзін з чытачоў.
Сайт charter97.org паспрабаваў даведацца падрабязнасці ў самым аддзяленні сувязі, але на працягу 30 хвілін ніхто не змог адказаць на званок. У РУП «Белпошта» нам растлумачылі, што ніякіх праблем з працай аддзялення сувязі «ўжо няма, а трубку не бяруць, напэўна, таму што занятыя». На пытанне аб тым, з-за чаго ж тады скардзяцца чытачы, супрацоўніца матэрыяльна-тэхнічнага аддзела прадпрыемства сказала, што «былі нейкія праблемы, але ў аддзяленне выехала намеснік начальніка аддзела, каб дапамагчы». Пра тое, якія менавіта «праблемы» былі, яна распавядаць адмовілася.