У Чарнаўцах пачаўся штурм абладміністрацыі
15- 24.01.2014, 12:29
- 3,454
Мітынгоўцы крычаць «Ганьба», «Папіева ў адстаўку», «Гэта наша памяшканне».
Каля будынка аблдзяржадміністрацыі цяпер знаходзіцца каля 500 чалавек. Журналісты і дэпутаты спрабавалі трапіць праз цэнтральныя дзверы, але сілавікі нікога не пусцілі. Пасля гэтага пратэстоўцы выламалі бакавыя дзверы, разбілі два вокны, піша zn.ua.
У холе АГА стаіць прыкладна 20-30 байцоў унутраных войскаў. Сярод мітынгоўцаў пераважна мужчыны і маладыя хлопцы. Большасць з іх у масках, твары прыкрытыя шалікамі.
На статуі «львоў» павесілі плакаты. Пазней актывісты разбілі вокны на цэнтральных дзвярах, знялі шыльду Чарнавіцкая абласная АГА. Міліцэйскія шчыты, якія прыкрывалі ўваходныя дзверы, натоўп ужо выкінуў.
Праваахоўнікі распылялі слёзацечны газ, шматлікім актывістам стала дрэнна. Зараз мітынгоўцы чакаюць дапамогі медыкаў.
Нагадаем, у чацвер у шэрагу абласных цэнтраў заходняй і цэнтральнай Украіны прайшлі акцыі пратэсту супраць гвалту з боку сілавікоў у адносінах да ўдзельнікаў Еўрамайдана на вуліцы Грушэўскага ў Кіеве. У Роўна, Львове, Жытоміры пратэстоўцы занялі будынкі абладміністрацыі.