У Запарожжы штурмуюць адміністрацыю
21- 26.01.2014, 15:48
- 8,066
У Запарожжы каля будынку абласной адміністрацыі праходзіць мітынг у падтрымку кіеўскага Еўрамайдану.
У мітынгу бяруць удзел некалькі тысяч чалавек, іх колькасць павялічваецца. Уваход у абласную адміністрацыю ахоўваюць супрацоўнікі спецпадраздзялення «Беркут», паведамляе Цензор.нет.
Да мітынгоўцаў выйшаў губернатар Аляксандр Пеклушэнка, паспрабаваў супакоіць і заявіў, што ён з Партыяй рэгіёнаў жыў і гатовы з ёй памерці. І сыходзіць у адстаўку і выходзіць з Партыі рэгіёнаў ён не мае намеру. Пасля гэтага быў асвістаны і пад крыкі «У адстаўку! Ганьба!» сышоў у будынак АА.
Арганізатары мітынгу заяўляюць, што застаюцца ля будынка адміністрацыі да раніцы.
«Калі Аляксандр Пеклушэнка (губернатар) не зніме з сябе паўнамоцтвы - мы ўсе разам пойдзем да яго «на прыём», - заявілі актывісты.
Група перамоўшчыкаў пайшла да Пеклушэнкі з патрабаваннямі, каб ён зняў з сябе паўнамоцтвы і парваў партбілет.
У будынак не пусцілі шматлікіх журналістаў, прайсці ўдалося ў асноўным праўладным СМІ.
Пасля гэтага пачаўся штурм. Міліцыя кідае ў натоўп газавыя гранаты. Народ скандуе: «Фашысты».