Цягнік Масква-Брэст сутыкнуўся з трактарам
10- 28.01.2014, 11:47
- 3,039
Цягнік Масква-Брэст сутыкнуўся на чыгуначным пераездзе з трактарам.
Пра гэта паведамілі БелТА ў Брэсцкім аддзеле ўнутраных спраў на транспарце.
Здарэнне адбылося 27 студзеня а 13.07 на перагоне ст. Янаў-Палескі - ст. Працоўная, паблізу вёскі Снітава Іванаўскага раёна. Сутыкненне лакаматыва цягніка №75 паведамленнем Масква-Брэст і трактара «Беларус» з прычэпам адбылося на неахоўным чыгуначным пераездзе, абсталяваным спраўнай светлагукавой сігналізацыяй.
Пацярпелых няма. Лакаматыў і прычэп атрымалі механічныя пашкоджанні. Затрымка руху цягніка склала 33 хвіліны.
Кіраваў трактарам жыхар вёскі Снітава 1994 года нараджэння. Ён быў цвярозы. У дачыненні да трактарыста складзены адміністрацыйны пратакол па арт. 18.15 КаАП РБ.