Ураджэнца Барысава падазраюць у здрадзе Украіне

Генерал-маёр ВС Украіны Вячаслаў Назаркін, ураджэнец Беларусі, падазраецца ў здрадзе Украіне.

Вайна, развязаная ва Украіне, зрабіла шырока вядомай барысаўчанку Наталлю Красоўскую. А тым часам, не менш скандальную вядомасць у падзеях на Данбасе атрымаў ва ўкраінскіх СМІ і іншы былы барысаўчанін - Вячаслаў Назаркін, піша ex-press.by.

Генерал-маёр Узброеных Сіл Украіны Вячаслаў Мікалаевіч Назаркін (на здымку - першы) на днях адзначыў 50-годдзе (нарадзіўся ў Барысаве 2 лістапада 1964). Падобна на тое, сёння з нашым горадам яго практычна нічога не звязвае. Хоць у савецкія часы ў штабе войска (будынак на Цэнтральнай плошчы) служыў палкоўнік з прозвішчам Назаркін. Магчыма, ягоны бацька.

Сваю кар'еру будучы генерал Назаркін пачаў у Савецкай арміі. У 1985 годзе скончыў у Благавешчанску Далёкаўсходняе агульнавайсковае каманднае вучылішча. Потым праходзіў службу ў Групе Савецкіх войскаў у нямеччыне, камандаваў ротай КДБ СССР у СібВА, і пасля даслужыўся да камбрыга Нацгвардыі Украіны.

У 1998. скончыў Кіеўскую ваенную акадэмію. 2000-2005 гг. - Камандзір брыгады ВС Украіны. 2006-2007 гг. вучоба ў Акадэміі Генеральнага штаба Украіны. З 2007-га - намеснік камандуючага армейскім корпусам, раскватараванага пад Жытомірам. Затым - начальнік упраўлення спецаперацый Генеральнага штаба Украіны. Удастоены многіх дзяржаўных і ўрадавых узнагарод СССР і Украіны.

У жніўні 2014 года ўкраінскія СМІ паведамілі, што Назаркін абвінавачваецца ў здрадзе Украіне. Нагодай паслужыла аперацыя выратавання ўкраінскага лётчыка Су-25, збітага данецкімі сепаратыстамі ў канцы ліпеня. Аперацыя праходзіла пад кіраўніцтвам генерала Назаркіна і завяршылася няўдала: 29 ліпеня пад горадам Снежнае на Данбасе 19 спецназаўцаў патрапілі ў засаду. З іх 12 былі забітыя, а трое трапілі ў палон.

Пасля гэтага папаўзлі чуткі пра тое, што генерал Назаркін наўмысна плануе спецаперацыі, каб украінскія вайскоўцы апынуліся ў пастцы сепаратыстаў.

У СМІ прасачылі кроўныя сувязі генерала Назаркіна і высветлілі, што ягоны родны брат палкоўнік Сяргей Назаркін служыць у расейскім войску на пасадзе намесніка начальніка Омскага гарнізона. Як пасля высветлілася, генерал Назаркін быў прызначаны начальнікам упраўлення спецаперацый Генеральнага штаба Украіны ў бытнасць прэзідэнта Януковіча - 5 снежня 2013 года, у самы разгар падзей на Майдане.

Усе гэтыя падставы даюць падставу меркаваць здраду ў дзеяннях генерала. Як будуць развівацца далейшыя падзеі, пакуль невядома,

7 кастрычніка было апублікаванае паведамленне Мінабароны Украіны аб звальненні начальніка ўпраўлення спецаперацый Генштаба генерала Вячаслава Назаркіна, і прызначэнні на гэтую пасаду палкоўніка Сяргея Крываноса.

Як паведамляе сайт «Прэса Украіны», зараз Вячаслаў Назаркін знаходзіцца ў 45-дзённым адпачынку.

А ў гэты час некаторыя расейскія СМІ разгарнулі кампанію ў абарону апальнага генерала Назаркіна.