Клічко: "УДАР" не пойдзе ва ўрад да Януковіча

Прадстаўнікі партыі "УДАР" не мерацца ўваходзіць у склад новага ўрада, калі ва ўладзе застанецца дзейны кіраўнік дзяржавы Віктар Януковіч.

Пра гэта заявіў лідэр партыі "УДАР" Віталь Клічко.

"Мы ні ў якім разе не мерымся станавіцца адной са шрубак сённяшняй улады. Мы гатовыя браць на сябе адказнасць толькі ў тым выпадку, калі будзе пераладаванне ўлады, якая цалкам сябе зняславіла", - сказаў лідэр "УДАР" у чацвер, 13 лютага, паведамляе прэс-служба партыі.

Ён таксама падкрэсліў, што фармаванне тэхнічнага ўрада магчымае толькі пасля вяртання Канстытуцыі Украіны ў рэдакцыі 2004 года.

"Мы вельмі не хочам, каб мяняліся асобы, а сістэма заставалася той жа. Мы шмат разоў былі сведкамі таго, што адных персанажаў замяняюць іншымі, а праблемы, якія былі, застаюцца. Мы гаворым пра пераладаванне ўсёй сістэмы і пра баланс улады ў Украіне. Такой магчымасцю быў бы пераход да Канстытуцыі 2004 года. Пасля гэтага можна гаварыць аб фармаванні тэхнічнага пераходнага ўрада, каб мы дакладна разумелі, якія рэформы мы можам ажыццявіць і які вынік будзе для Украіны", - выказаў меркаванне Клічко.

Наконт планаў апазіцыі ў выпадку, калі ўлада не амністуе ўсіх затрыманых актывістаў, палітык заўважыў: "Мы зрабілі ўсё для таго, каб спыніць фізічнае супрацьстаянне на Грушэўскага. Сёння там доўжыцца зацішша. Але калі ўсё незаконна затрыманыя і арыштаваныя не будуць выпушчаныя, не будуць спыненыя справы на іх, гэта будзе азначаць зрыў перамоваў і новы віток эскалацыі. І поўная адказнасць за гэта будзе найперш ляжаць на ўладзе і Януковічу".

Фота: AFP