Лукашэнка гатовы зноў перапісаць Канстытуцыю
106- 14.03.2014, 20:17
- 174,626
Беларускі дыктатар не выключае магчымасці прыняцця ў будучыні новай Канстытуцыі.
Пра гэта ён заявіў 14 сакавіка на сустрэчы з суддзямі Канстытуцыйнага суда, паведамляе прэс-служба Лукашэнкі.
Гаворачы аб далейшым развіцці канстытуцыйных асноў беларускай дзяржавы, дыктатар не выключыў, што ў будучыні спатрэбіцца ўнясенне нейкіх зменаў, якія адпавядаюць духу новага часу і развіццю грамадства.
"Рана ці позна давядзецца прымаць новую Канстытуцыю. Канстытуцыю не пераходнага перыяду, а сфармаванай і ўсталяванай на нейкі перыяд часу нашай дзяржавы, - заявіў Лукашэнка. -Калі мы яе будзем ствараць, я б вельмі хацеў, каб чальцы, суддзі Канстытуцыйнага суда, увесь Канстытуцыйны суд у гэта былі ўцягнутыя як грамадзяне".
Нагадаем, Канстытуцыя Беларусі ўжо некалькі разоў змянялася пасля правядзення "рэферэндумаў". Гэта адбывалася ў 1995, 1996 і 2004 гадах. Змены тычыліся палажэнняў аб дзяржаўных мовах, сімволіцы, паўнамоцтвах прэзідэнта.
Апошні "рэферэндум" скасаваў абмежаванне колькасці прэзідэнцкіх тэрмінаў для Лукашэнкі. Апазіцыя і міжнародныя арганізацыі ўважаюць усё плебісцыты, якія праводзяцца на тэрыторыі нашай краіны пасля 1994 года, за фальсіфікаваныя і не прызнаюць іх вынікі.