Навукоўцы стварылі лазерную пушку для кіравання надвор'ем

Навукоўцы з універсітэта Арызоны стварылі лазерную ўстаноўку, якая дазваляе правакаваць дажджы і маланкі.

Нягледзячы на тое, што гэтая ідэя не з'яўляецца новай, тым не менш, стварыць такую ўстаноўку з вялікай далёкасцю дзеяння да гэтага часу не ўдавалася. Тлумачыцца гэта тым, што лазерны прамень вялікай магутнасці хутка руйнуецца ў атмасферных умовах, у сувязі з чым яго даўжыня і атрымлівалася даволі невялікай. Пра гэта паведамляе "Телеграф".

Новая тэхналогія, распрацаваная спецыялістамі з універсітэта Арызоны, тэарэтычна дазваляе зрабіць нітку жаданай даўжыні. Ідэя заключаецца ў тым, што прамень магутнага лазера ахутваецца прамянём больш нізкай інтэнсіўнасці, які абараняе "моцнага" ад рассейвання ў атмасферы і падсілкоўваецца яго энергіяй. Па ім цячэ ўся энергія і ў выніку можна справакаваць дождж або маланку з адлегласці ў дзесяткі кіламетраў.

У цяперашні час новая тэхналогія знаходзіцца "у колбе", прамень распаўсюджваецца на 2,5 метра. Навукоўцы цяпер працуюць над стварэннем новай устаноўкі, якая дазволіць павялічыць даўжыню ніткі яшчэ больш: па разліках да 50 м. А ў перспектыве плануецца нарасціць далёкасць да сотняў метраў і больш.

Такую тэхналогію тэарэтычна можна выкарыстоўваць для перадачы на значныя адлегласці вялікай колькасці любога электрамагнітнага выпраменьвання (напрыклад, мікрахвалевага). На пачатковы этап працы Пентагон, якія фінансуе працу арызонскіх навукоўцаў, вылучыў грант у памеры 7,5 мільёнаў даляраў.