Рабочыя «Аўтагідраўзмацняльніка» гатовыя баставаць

На барысаўскім заводзе наспявае чарговая забастоўка.

Пра гэта ў лісце сайту charter97.org распавёў супрацоўнік прадпрыемства.

«У Барысаве сярод рабочых спее незадаволенасць, забастоўкі могуць працягнуцца. Усяму віной дырэктар БАТЭ Анатоль Капскі. Просім вас не застацца ў баку ад праблем барысаўчан», - напісаў ён.

Барысаўскі завод пачаў сутыкацца з фінансавымі праблемамі пасля таго, як быў створаны холдынг «Аўтакампаненты». У прыватнасці, як стала вядома ўчора, рабочым ужо месяц не выплочваюць адпускныя. Таксама магчымая затрымка зарплаты за красавік.

У прыёмнай генеральнага дырэктара «Аўтагідраўзмацняльніка» карэспандэнту сайта charter97.org заявілі, што «ніякай забастоўкі не было».

«Што вы выдумляеце глупства. Якая ў нас была забастоўка? Такія пляткары, як вы, збіраюць іх і пішуць у інтэрнэце. Ніякай забастоўкі на заводзе не было, гэта дакладна. Не кажыце глупства», - сказалі там.

Раней наш сайт паведамляў пра аднадзённую забастоўку на заводзе «Аўтагідраўзмацняльнік», якая, па словах аднаго з рабочых, адбылася 26 сакавіка. Прычынай гэтаму - затрымка на тыдзень выплаты заробку.

Старшыня прафсаюза радыёэлектроннай прамысловасці (РЭП) Генадзь Фядыніч інфармацыю пра забастоўку на «Аўтагідраўзмацняльніку» пацвердзіў.

«Так, была аднадзённая забастоўка. Яна хутка пачалася і хутка скончылася. А на заводзе вам, вядома, ніколі не скажуць, што гэта было. Рабочыя свае пытанні вырашылі - ну і дзякуй Богу, і да наступнага разу», - адзначыў ён.

Архіўнае фота: borisov-e.info