Сепаратысты рыхтуюць захоп КПП на мяжы Украіны з Расеяй
3- 14.05.2014, 17:11
- 10,536
Захоп можа адбыцца заўтра.
15 траўня 2014 года прыхільнікі так званай «Данецкай народнай рэспублікі» плануюць захапіць у Данбасе памежныя пункты «Успенка» і «Марынаўка». Адпаведная інфармацыя паступіла ў Данецкую аблдзяржадміністрацыю, гаворыцца ў яе паведамленні.
«Рэалізацыя названых планаў можа прывесці да дэстабілізацыі сітуацыі ў рэгіёне, далейшага абвастрэння грамадзянскага супрацьстаяння і да чалавечых ахвяр, як сярод мірнага насельніцтва, так і з боку супрацоўнікаў праваахоўных органаў», - адзначылі ў АДА.
У сувязі з гэтым, абласная дзяржаўная адміністрацыя звярнулася з заклікам да ўсіх бакоў канфлікту «ўстрымацца ад любых супрацьпраўных дзеянняў і не дапускаць парушэнняў дзеючага заканадаўства».
Нагадаем, сёння баевікі блакавалі вайсковую частку ў Данецку, патрабуючы ад вайскоўцаў здацца, скласці зброю і перайсці на іх бок.