Экс-міністр абароны Украіны: Тэрарысты рыхтуюць удар па Адэсе і Харкаву
3- 24.06.2014, 14:34
- 15,573
Баевікі не збіраюцца складаць зброю.
Больш за тое, яны могуць напасці на Харкаў і Адэсу. Пра гэта заявіў былы міністр абароны Украіны Анатоль Грыцэнка ў інтэрв'ю «Радыё Свабода».
«Літаральна з першага дня мірны план прэзідэнта Парашэнкі ўжо сарваны. Відавочна, што трэба думаць над планам «Б», які, як ён заявіў, падрабязна прапрацаваны...Проста зацягваецца час і тэрарысты могуць перагрупаваць сілы для таго, каб потым нанесці ўдары або ў Харкаве або ў Адэсе, ці ў іншых рэгіёнах», - адзначыў Грыцэнка.
Ён нагадаў, што, са слоў перагаворшчыка Леаніда Кучмы, тэрарысты нібыта паабяцалі не страляць да 27 чэрвеня.
«Гэта азначае, што нават не ідзе гаворкі пра складанне зброі. А гэта было ключавой пазіцыяй плана Парашэнкі. Гэта значыць, гэтая пазіцыя сарваная», - мяркуе экс-кіраўнік Міністэрства абароны.
Грыцэнка таксама выказаў здзіўленне тым, што ўлады вядуць перамовы з людзьмі, у дачыненні да якіх прымаюць санкцыі, і якія абвешчаны ў вышук. «Адкуль узяўся Медвядчук, супраць якога санкцыі, які заўсёды адстойвае інтарэсы Расеі,«расейскага свету». Там зноў Цароў, якога шукаюць! Там лідары так званых «ДНР» і «ЛНР». Гэта вельмі цяжка зразумець», - абурыўся ён.