ЗША дазволяць сваім кампаніям экспарт нафты
1- 25.06.2014, 9:10
- 6,379
Пастаўкі нафты могуць пачацца ўжо ў жніўні.
Міністэрства гандлю ЗША дазволіць амерыканскім кампаніям Pioneer Natural Resources і Enterprise Product Partners экспартаваць звышлёгкую нафту. Пра гэта паведамляе газета Wall Street Journal са спасылкай на крыніцу ў нафтагазавай галіне.
Адзначаецца, што кампаніі ўдасканалілі апрацоўку сыравіны да такой ступені, што яна перастала трапляць пад абмежаванні, устаноўленыя ўстановай, піша "Корреспондент".
"Пастаўкі нафты могуць пачацца ўжо ў жніўні. Хутчэй за ўсё, спачатку яны будуць невялікімі", - піша газета.
Абмежаванні на пастаўку неачышчанай нафты былі ўведзеныя ў ЗША блізу 40 гадоў таму ў адказ на ўстаноўленыя арабскімі краінамі эмбарга на пастаўкі нафты ў заходнія краіны. Аднак ЗША могуць экспартаваць нафтапрадукты - бензін і дызельнае паліва.