Танкі ва Украіне - «з Расеі з любоўю»
35- 27.06.2014, 18:35
- 36,118
Падраздзяленнем Узброеных Сіл Украіны быў заблакаваны, а потым захоплены танк, які выкарыстоўвалі тэрарысты падчас нападу на ўкраінскую вайсковую частку ў Арцёмаўску.
Пра гэта паведамляе прэс-служба Мінабароны Украіны.
«Пасля аналізу, праведзенага спецыялістамі Вайсковай службы правапарадку ва Узброеных Сілах Украіны і Узбраення ВС Украіны, устаноўлена, што згодна з завадскім нумарам гэты танк Т-64БВ выпушчаны ў кастрычніку 1987 на Харкаўскім танкавым заводзе ім. Малышава. Паводле архіўных дадзеных гэтая баявая адзінка была адпраўлена ў вайсковую частку, якая ў той час дыслацыравалася на тэрыторыі Расеі. На ўліку ва Узброеных Сілах Украіны дадзены танк Т-64БВ не знаходзіўся і не стаіць», - распавялі ў ведамстве.
«Падобныя высновы зробленыя і пры аглядзе астатняй захопленай у тэрарыстаў зброі. У прыватнасці, канфіскаваны ў баявікоў ручны агнямёт РПО-А «Шмель» з паказальным надпісам «З Расеі з любоўю», таксама прывезены з тэрыторыі Расейскай Федэрацыі», - дадалі ў Мінабароны.
Фота: прэс-служба Мінабароны Украіны
