Беларусаў чакае дэфіцыт імпартнага адзення і абутку

Сыход прадпрымальнікаў з рынкаў абернецца вялікімі нязручнасцямі для спажыўцоў.

Пра гэта ў інтэрв'ю сайту charter97.org заявіў намеснік старшыні Рады РГА "Пэрспэктыва" Вячаслаў Піліпук.

- Сёння ІП Віцебска, Лепеля, Магілёва і Бабруйска на дзень спынілі працу ў знак пратэсту супраць новых правілаў гандлю, прадугледжаных указам Лукашэнкі №222. На якія захады яны гатовыя ісці далей у барацьбе за свае правы?

- Мы папярэджвалі ўладу, што сертыфікаты і суправаджальныя дакументы з'яўляюцца вельмі балючым пытаннем. І калі ў чалавека забіраюць апошняе, ён заўсёды можа звярнуцца да крайніх захадаў, якімі з'яўляюцца сённяшнія страйкі ў Віцебску ды іншых гарадах.

- А калі і пасля гэтага ўлады не пачуюць прадпрымальнікаў?

- Тады ІП пойдуць да канца, каб абараняць сваю маёмасць.

- У якім сэнсе «да канца» - возьмуць у рукі вілы?

- Я думаю, што гэта будуць як мінімум акцыі непадпарадкавання.

- У чым яны будзе палягаць?

- Гэта будзе выглядаць так: калі прыходзіць падатковы або гандлёвы інспектар і пачынае правяраць кропку, усе іншыя прадпрымальнікі адразу ж закрываюцца і падыходзяць да гэтага аб'екта. Так ужо было. Калі інспектараў атачалі 300 чалавек, у тых пачыналі дрыжаць рукі. На наступны дзень, калі начальнік іх пасылаў на іншы гандлёвы аб'ект, яны катэгарычна адмаўляліся.

- Але ж цалкам верагодна, што большасць прадпрымальнікаў застанецца без працы. Як гэта пагражае эканоміцы краіны?

- Гэта пагражае дэфіцытам тавараў лёгкай прамысловасці. У асноўным гэта будзе адзенне і абутак, якія знікнуць з шырокага доступу для беларусаў. Але гэты дэфіцыт не наступіць з 1 ліпеня, таму што ў ІП за гады гандлю назапасілася шмат рэшткаў. Але мы думаем, што ўлады ўсё ж пойдуць на саступкі. Чаму? Таму што ад гэтых захадаў яны атрымаюць не плюсавы фінансавы эфект, як яны плануюць, а ўдары рублём праз нявыплаты прадпрымальнікамі падаткаў у бюджэт. А адчуюць яны гэтыя ўдары ўжо бліжэйшым часам.