Брытанскі таблоід Daily Mail напісаў пра выкрадзеную беларускую прыгажуню
6- 15.07.2014, 12:18
- 14,334
Гісторыя беларускі, якая правяла 17 гадоў у Малдове, дае надзею ўсім бацькам выкрадзеных дзяцей.
Папулярны брытанскі таблоід Daily Mail, які выходзіць амаль двухмільённым накладам, піша пра беларускую «цыганскую прынцэсу» Вольгу Рамановіч. Мянчанка ў чатырохгадовым узросце пры нявысветленых абставінах знікла ў Малдове і знайшлася праз 17 гадоў, нагадвае «Радыё Свабода».
У артыкуле, які грунтуецца ў тым ліку на інтэрв'ю, якое Вольга Рамановіч дала «Комсомольской правде», дзе падрабязна распавядаецца пра лёс беларускі, якая пад імем Марыі Прэйды апынулася ў прыёмнай цыганскай сям'і, дзе вырасла і вывучыла мову. Да свайго новага імені яна так і не прывыкла і сама сябе называе Вольгай.
Гісторыя беларускі, якую некалькі разоў перапрадавалі цыганы, пакуль адная з сем'яў не пакінула яе ў сябе, «дае надзею бацькам, чые дзеці зніклі без вестак», а таксама «падымае праблему гандлю людзьмі», піша брытанскае выданне.
Цяпер Вольга Рамановіч - у Беларусі. Яна адаптуецца да новага жыцця і рыхтуецца атрымліваць медыцынскую адукацыю.