У Алжыры разбіўся ўкраінскі самалёт
2- 30.08.2014, 12:29
- 11,117
Украінскі самалёт пацярпеў катастрофу на поўдні Алжыра, паведамляе ў суботу міжарабскі тэлеканал «Аль-Арабія».
Паводле звестак тэлеканала, на яго борце знаходзіліся сямёра чалавек.
Алжырскія СМІ паведамляюць, што трагедыя адбылася а 2.40 суботы, у катастрофу трапіў грузавы самалёт «Ан-12», які накіроўваўся ў Экватарыяльную Гвінею, паведамляе interfax.by.
Лайнер зваліўся ў горнай мясцовасці ў 15 мілях ад аэрапорта «пасля тэхнічнага прыпынку».
Мясцовыя ўлады арганізавалі выратавальную аперацыю для пошуку тых, хто выжыў у катастрофе.