Прэзідэнтка Літвы Грыбаўскайтэ: «Фактычна Расея ваюе з усёй Еўропай».
26- 30.08.2014, 19:16
- 32,138
Еўропе трэба пакінуць падманваць сябе і спыніць слухаць хлусню Пуціна.
Пра гэта заявіла прэзідэнтка Літвы Даля Грыбаўскайтэ, прыбыўшы на саміт ЕЗ у Брусэлі, піша "Украінская праўда".
"Цяпер Расея фактычна знаходзіцца ў стане вайны з Украінай - краінай, якая імкнецца да больш блізкай інтэграцыі з ЕЗ. Такім чынам, думаю, можна сцвярджаць, што Расея сёння знаходзіцца ў стане вайны з Еўропай", - сказала яна.
Як перакананая прэзідэнтка, ЕЗ павінен дапамагчы Украіне найперш "вайсковым абсталяваннем". Грыбаўскайтэ назвала санкцыі ЕЗ "занадта агульнымі" і выказала спадзяванне, што NATO дасць Украіне вялікую дапамогу. Паводле ейных слоў, вялікай памылкай ЕЗ з'яўляецца тое, што цяперашнія санкцыі тычацца толькі будучых кантрактаў з Расеяй, а не ўжо існых.
"Нам варта пакінуць падманваць сябе і спыніць слухаць хлусню Пуціна", - сказала Грыбаўскайтэ.
Нагадаем, падчас прэс-канферэнцыі аб выніках сустрэчы прэзідэнт Еўракамісіі Жазэ Мануэль Барозу заявіў, што дзяржавам-сябрам пададуць варыянты што да санкцый супраць Расеі.