Кіраўніцу Нацбанку Украіны ў Вярхоўнай Радзе абсыпалі грашыма (Відэа)

Старшыня Нацбанку Украіны Валерыя Гонтарава прыбыла ў Раду на гадзіну пытанняў да ўраду.

Перад пачаткам выступу лідар Радыкальнай партыі Алег Ляшко абсыпаў кіраўніцу НБУ купюрамі, выступаючы супраць яе дзейнасці, піша «Карэспандэнт».

Алег Ляшко кінуў ёй у твар даляравыя банкноты са словамі: «Гэта абясцэненая вамі валюта». Спікер Уладзімір Гройсман даручыў разабрацца, ці фальшывыя гэтыя грошы. У выпадку пацверджання прыцягнуць Ляшко да адказнасці.

«Я не працую ў Радзе, таму не прывыкла да такога цырку», - адказала на гэта Валерыя Гонтарава.