Літоўская паліцыя прымусіла расейца зняць з машыны савецкую сімволіку
26- 19.01.2015, 11:34
- 37,575
Мужчыну інфармавалі, што за падобнае парушэнне ён можа пазбавіцца візы.
Расеец, што гасціў у Вільні, і на пазадарожніку Land Rover Discovery 4 якога красавалася савецкая сімволіка, быў вымушаны зняць яе, паведамляе DELFI.
Грамадзянін Расеі Р.Б. (1983 г.н.) наведаў трэці Віленскі камісарыят. У камісарыяце ён азнаёміўся з законамі Літвы і атрымаў позву ў суд.
Паводле закона за дэманстрацыю савецкай сімволікі пагражае штраф у суме 144-289 еўра з канфіскацыяй прадмета або рэчы, якая была прыладай парушэння. У гэтым выпадку было загадана выдаліць з машыны налепку.
Акрамя таго, расейца інфармавалі, што за падобнае парушэнне ён можа пазбавіцца візы.
Акрамя таго, грамадзяніну Расіі пагражае штраф за паркоўку на тратуары (ад 28 да 86 еўра).