Крышціяну Раналду абышоў легенду «Рэала»

Па колькасці галоў за «Рэал» ва ўсіх турнірах ён абышоў легендарнага гульца мадрыдскага клуба Сантыльяну.

Капітан зборнай Партугаліі, форвард мадрыдскага «Рэала» Крышціяну Раналду аформіў дубль у матчы чэмпіянату Гішпаніі супраць «Хетафе» (3:0) і ўсталяваў чарговае дасягненне ў кар'еры. Па колькасці галоў за «Рэал» ва ўсіх турнірах ён абышоў легендарнага гульца мадрыдскага клуба Сантыльяну, піша РБК.

На рахунку Роналду стала 289 галоў, у той жа час у Сантыльяны было 288 мячоў на рахунку. Цяпер 29-гадовага партугальца апярэджвае толькі два футбаліста: Альфрэда Ды Стэфана (307) і Раўль (323). Калі бліжэйшым часам Роналду не пакіне «Рэал», то рэкорды яшчэ двух легенд каманды будуць пабітыя. Сантыльяна выступаў за мадрыдскі «Рэал» з 1971 да 1988 года. Ён дзевяць разоў станавіўся чэмпіёнам Гішпаніі, 4 разы перамагаў у Кубку Гішпаніі, выйграваў Кубак гішпанскай лігі і двойчы браў Кубак УЕФА. Таксама Сантыльяна выступаў за зборную Гішпаніі, з якой стаў срэбным прызёрам чэмпіянату Еўропы 1984 - на турніры ён стаў другім бамбардзірам пасля Карла-Хайнца Руменіге.

Крышціяну Раналду забіў за «Рэал» 206 галоў у чэмпіянаце Гішпаніі, 21 у Кубку Караля, 57 у Лізе чэмпіёнаў, два ў Суперкубку Еўропы і тры ў Суперкубку Гішпаніі. На гэты момант ён лідзіруе ў чэмпіянаце Гішпаніі ў гонцы бамбардзіраў - у 17 матчах Роналду забіў 28 галоў (8 - з пенальці). Партугалец апярэджвае бліжэйшага апанента, форварда «Барселоны» Ліянэля Месі, на 9 дакладных трапленняў, пры гэтым аргентынец абыходзіцца без галоў з пенальці.

«Рэал» займае першае месца ў табліцы Прымеры з 45-ю баламі, другой ідзе «Барселона», у якой 44 балы.

У Лізе чэмпіёнаў-2014/15 Роналду правёў шэсць матчаў і забіў пяць галоў, а лідуе бразільскі легіянер данецкага «Шахцёра» Луіс Адрыяна (9 мячоў). У 1/8 фіналу «Рэал» згуляе супраць гельзенкірхенскага «Шальке».

Па выніках 2014 Крышціяну Раналду атрымаў Залаты мяч. У завяршальнай стадыі галасавання ягонымі апанентамі былі Ліянэль Месі і брамнік зборнай Нямеччыны і мюнхенскай «Баварыі» Мануэль Нойер. Партугалец заваяваў Залаты мяч другі год запар.

У 2014 годзе Крыштыяну Раналду выйграў Лігу чэмпіёнаў, Суперкубак УЕФА, клубны чэмпіянат свету і Кубак Гішпаніі.

Разам са зборнай Партугаліі ён прабіўся на чэмпіянат свету, дзе яго каманда не змагла выйсці з досыць складанай групы. Пры гэтым Раналду забіў вызначальны гол у матчы з Ганай, у якім яго каманда атрымала адзіную перамогу на турніры.

Паводле звестак transfermarkt.de, кошт Крышціяну Раналду складае 120 мільёнаў еўра. Партугалец раней казаў, што не супраць калі-небудзь вярнуцца ў «Манчэстар Юнайтэд», дзе ён выступаў да пераходу ў «Рэал».

Трансфер Раналду ў мадрыдскі клуб стаў адной з найбуйнейшых футбольных угод Еўропы - яе кошт склаў 131 млн. еўра.

Фота: AP