«Рэал» дзесяты раз запар прызналі самым багатым клубам свету
- 22.01.2015, 10:53
- 4,101
Мадрыдскі «Рэал» дзесяты раз запар узначаліў спіс самых багатых футбольных клубаў свету.
Рэйтынг складзены кансалтынгавай кампаніяй Deloitte. Аб гэтым паведамляецца на афіцыйным сайце арганізацыі, піша Lenta.ru.
Па выніках сезона-2013/14 «Рэал» зарабіў амаль 550 мільёнаў еўра. З іх 113,8 мільёна клубу прынесла продаж квіткоў на хатнія матчы, 204,2 мільёна - рэалізацыя правоў на тэлетрансляцыі гульняў каманды. Яшчэ 231,5 мільёна «каралеўскі клуб» зарабіў шляхам заключэння рэкламных і спонсарскіх кантрактаў, а таксама продажу клубнай атрыбутыкі.
Першая дзесятка рэйтынгу выглядае наступным чынам:
1. «Рэал» (Гішпанія) - 549,5 мільёна
2. «Манчэстэр Юнайтэд» (Англія) - 518
3. «Баварыя» (Нямеччына) - 488
4. «Барселона» (Гішпанія) - 485
5. ПСЖ (Францыя) - 474
6. «Манчэстэр Сіці» (Англія) - 414
7. «Чэлсі» (Англія) - 388
8. «Арсенал» (Англія) - 359
9. «Ліверпуль» (Англія) - 306
10. «Ювентус» (Італія) - 279
Паводле вынікаў мінулага сезону «Рэал» зарабіў 518,9 мільёна еўра. Расейскія клубы не патрапілі ў топ-20 самых багатых футбольных каманд свету.