Расея прыпыняе бязвізавы рэжым з Турцыяй
18- 27.11.2015, 17:12
- 19,891
З 1 студзеня 2016 Расея прыпыняе дзеянне бязвізавага рэжыму з Турцыяй.
Пра гэта, як паведамляе РІА «Новости», заявіў 27 лістапада кіраўнік МЗС Расеі Сяргей Лаўроў.
«Кіраўніцтвам РФ прынятая пастанова прыпыніць бязвізавы рэжым, які цяпер дзейнічае паміж Расеяй і Турэцкай Рэспублікай. Гэтая пастанова ўвойдзе ў дзеянне з 1 студзеня наступнага года», - заявіў Лаўроў на прэс-канферэнцыі паводле вынікаў перамоў са сваім сірыйскім калегам Валідам Муалемам.
Міністр дадаў, што «гэта не надуманая пагроза». «Наадварот, гэтыя пагрозы цалкам і цалкам рэальныя, мы з усёй адказнасцю паведамляем пра гэта», - адзначыў ён.
Нагадаем, што 24 лістапада ВПС Турцыі збілі расейскі Су-24 каля мяжы з Сірыяй. Расейскі вайсковы самалёт парушыў дзяржаўную мяжу Турцыі.