Кошт нафты Brent перавысіў $55 за барэль
4- 2.02.2015, 15:21
- 12,325
Нафта гатунку Brent падаражэла 2 лютага да 55,39 даляраў за барэль.
Імклівы рост пачаўся а 12:00 паводле менскага часу ад пазіцый 51,60 даляраў за барэль, піша «Карэспандэнт».
На 14:15 на Маскоўскай міжбанкаўскай валютнай біржы кошт нафты маркі Brent з пастаўкай у сакавіку быў $54,58 за барэль. На навінах аб падвышэнні коштаў нафты біржавы курс даляра абрынуўся а 14:17 да 68,72 расейскіх рублёў. Максімальны кошт амерыканскай валюты на сённяшніх таргах дасягаў 70,509 рублёў.
На таргах лонданскай біржы ICE кошт нафты маркі Brent з пастаўкай у сакавіку перасягнуў 55 даляраў за барэль.
Як раней паведамлялася, сусветныя кошты нафты дэманструюць негатыўную дынаміку ў панядзелак пасля імклівага росту ў пятніцу на фоне скарачэння колькасці буравых установак у ЗША да мінімуму за пяць гадоў, сведчаць звесткі таргоў.