Турчынаў: Расея блакуе пастанову пра перакрыццё мяжы ў Данбасе
22- 21.02.2015, 18:37
- 26,320
Калі б мяжа была пад кантролем Украіны, сепаратысты б не пратрымаліся і некалькіх тыдняў.
Пра гэта сакратар Рады нацыянальнай бяспекі і абароны Украіны Аляксандр Турчынаў заявіў падчас агляду выставы «Прысутнасць» у Кіеве на Міхайлаўскай плошчы.
«Усе расейска-тэрарыстычныя групоўкі, якія знаходзяцца на захопленай тэрыторыі, разумеюць, што як толькі будзе перакрытая мяжа, яны не пратрымаюцца і некалькіх тыдняў, таму Расея ўсяляк блакуе разгляд і прыняцце гэтай пастановы», - сказаў Турчынаў.
Ён адзначыў, што перакрыццё мяжы - гэта першая задача, якая павінна быць развязаная, «у тым ліку з удзелам міратворчых падраздзяленняў». «Без гэтага агрэсія будзе перманентнай», - падкрэсліў ён.