Парашэнка і Кэры выступяць з супольнай заявай

Пасля перамоў 5 лютага прэзідэнт Украіны Пётр Парашэнка і дзяржсакратар ЗША Джон Кэры зробяць супольную заяву.

Прэзідэнт Украіны Пётр Парашэнка правядзе сустрэчу з дзяржсакратаром ЗША Джонам Кэры ў Кіеве ў чацвер, 5 лютага, пасля якой будзе зроблена супольная заява для прэсы, піша Корреспондент.net.

Як паведамілі ў прэс-службе кіраўніка дзяржавы, сустрэча прызначаная на 13:00 у Адміністрацыі прэзідэнта, а заява для прадстаўнікоў СМІ - на 14:00.

Раней паведамлялася, што дзяржсакратар ЗША Джон Кэры прыедзе ва Украіну з візітам. Паведамлялася, што мэта візіту - паказаць ураду Украіны падтрымку ЗША на фоне абвастрэння канфлікту ў Данбасе.

Дзяржсакратар прыедзе ў Кіеў перад паездкай на міжнародную канферэнцыю аб бяспецы ў Мюнхене (Нямеччына).

Як распавялі ў МЗС Украіны, падчас візіту дзяржсакратара ЗША будуць абмяркоўвацца пытанні правядзення рэформаў і шляхоў дээскалацыі сітуацыі ва ўсходніх рэгіёнах.

"Візіт стане чарговым сведчаннем падтрымкі Украіны з боку ЗША. Прыярытэтныя пытанні, якія будуць абмяркоўвацца падчас сустрэчы, прагрэс у прасоўванні рэформаў у нашай дзяржаве і пошук шляхоў дээскалацыі сітуацыі ва Украіне", - паведаміў спікер МЗС Яўген Перабійніс.

Фота: John Kerry/Twitter