ДТЗ у Гародні: зух з Расеі на BMW X5 не саступіў дарогу Opel Zafira

Кіроўца BMW толькі на тэрыторыі Беларусі менш чым за год сем разоў трапляўся за перавышэнне хуткаснага рэжыму.

Учора ўдзень на вуліцы Паўднёвай у Гародні не раз'ехаліся BMW X5 і Opel Zafira. Пра гэта сайту charter97.org паведамілі ў ДАІ УУС Гарадзенскага аблвыканкама.

За стырном BMW быў грамадзянін Расеі. Ён стаў збочваць налева на дазваляльны сігнал святлафора ў бок дома №21а, аднак не саступіў дарогу сустрэчнаму Opel Zafira. У выніку ДТЗ пацярпеў кіроўца Opel, абодва аўтамабілі атрымалі значныя пашкоджанні. У ДАІ расказалі, што кіроўца BMW толькі на тэрыторыі Беларусі менш чым за год 7 разоў трапляўся за перавышэнне хуткаснага рэжыму.