Мытнікі канфіскавалі ў беларуса BMW з чужым нумарам
2- 19.03.2015, 17:24
- 15,726
Супрацоўнікі аддзела па барацьбе з кантрабандай і адміністрацыйнымі мытнымі правапарушэннямі Гомельскай мытні спынілі BMW 5-Series.
Пры вывучэнні дакументаў на транспарт высветлілася, што яны падробленыя. Пра гэта сайту charter97.org паведамілі ў Гомельскай мытні.
У выніку праверкі было ўстаноўлена, што рэгістрацыйны нумар аўто належыць знятага з уліку аўтамабілю Nissan Primera, а пасведчанне аб рэгістрацыі - Renault Sandero, які ў цяперашні час таксама зняты з уліку.
Аўтамабіль папярэднім коштам больш за 100 млн бел. рублёў канфіскаваны. Яго далейшы лёс вызначыць суд.