Праезд у Менску падаражэе да 5 тысяч рублёў
13- 26.03.2015, 10:44
- 12,717
Тарыф на праезд у грамадскім транспарце фармуецца «з улікам плацежаздольнасці насельніцтва».
Праезд у грамадскім транспарце Менска падаражэе да 5 тыс. рублёў у красавіку.
Пра гэта паведаміла начальніца фінансава-эканамічнага ўпраўлення дзяржаўнага прадпрыемства «Менсктранс» Ганна Міхайлоўская, піша БелТА.
У красавіку праезд у грамадскім транспарце падаражае на Br500 і складзе Br5 тыс. Талон у кіроўцы будзе каштаваць Br5,5 тыс., праезд у аўтобусах экспрэс-маршрутаў - Br6,5 тыс.
Дакладная дата падвышэння тарыфаў пакуль невядомая.
Ганна Міхайлоўская адзначыла, што транспартныя паслугі носяць сацыяльны характар, і тарыфы на гарадскія перавозкі пасажыраў усімі відамі транспарту зацвярджае Менгарвыканкам паводле ўзгаднення з Мінэканомікай. Пры гэтым тарыф на праезд у грамадскім транспарце фармуецца з улікам плацежаздольнасці насельніцтва.
Апошні раз аплата за праезд у грамадскім транспарце Менска павышалася летась у снежні да Br4,5 тыс. з Br4 тыс. за адну паездку.