Паводле справы аб забойстве Нямцова затрыманыя пяць падазраваных
20- 8.03.2015, 14:03
- 22,689
Следчыя паведамілі пра пятага фігуранта справы аб забойстве Барыса Нямцова.
Следчы камітэт РФ хадайнічае аб арышце пяці падазраваных паводле справы аб забойстве апазіцыйнага палітыка. Пра гэта ў сваім акаўнце ў «Твітэры» напісаў афіцыйны прадстаўнік ведамства Уладзімір Маркін.
Следственный комитет ходатайствует об аресте пятерых фигурантов, причастных к убийству Бориса Немцова. Расследование дела продолжается.
— Владимир Маркин (@VladimirMarkin) 8 Март 2015Раней паведамлялася аб затрыманні чатырох падазраваных. Пятым затрыманым, хутчэй за ўсё, з'яўляецца калега Дадаева з батальёна «Поўнач» Рустам Юсупаў, паведаміла РБК кіраўніца незалежнага інфармагенцтва «Аб'ектыў» Хеда Саратава.
Апазіцыянер і былы віцэ-прэм'ер РФ Барыс Нямцоў быў забіты ў ноч на 28 лютага ў цэнтры Масквы. 7 сакавіка кіраўнік ФСБ Аляксандр Бортнікаў паведаміў аб затрыманні двух падазраваных у забойстве - Анзора Губашава і Заура Дадаева.
