Войскі Нігера і Чада пачалі маштабную аперацыю супраць «Бока Харам»
- 8.03.2015, 17:09
- 6,257
На тэрыторыі Нігерыі пачалася вайсковая аперацыя супраць ісламісцкай групоўкі.
Яе вядуць узброеныя сілы Нігера і Чада. Пра гэта паведаміў урад Нігера, паведамляе ТАСС.
Паводле звестак урада, цяпер наносяцца "наземныя і паветраныя ўдары" па пазіцыях групоўкі. Наступ вядзецца двума франтамі з паўднёвага ўсходу Нігера. Штаб першага фронту размешчаны ў раёне горада Боса, другі - паблізу горада Дырам.
Вялікія кантынгенты войскаў Нігера і Чада, якія налічваюць некалькі тысяч чалавек, былі сканцэнтраваныя апошнія месяцы ў нігерыйскай правінцыі Дыфа, дзе іх ўвесь час атакавалі атрады "Бока Харам".
Нагадаем, у канцы лютага вайскоўцы Чада ліквідавалі ў Нігерыі 207 баевікоў Бока Харам.