Сонечны самалёт адпраўляецца ў палёт вакол свету
4- 8.03.2015, 21:18
- 11,419
Вядомы швайцарскі даследчык Бэртран Пікар і ягоны напарнік Андрэ Боршбэрг збіраюцца ў панядзелак адправіцца ў падарожжа вакол свету.
Палёт пройдзе на самалёце, што рухаецца сонечнай энэргіяй, перадае BBC.
Аднаасабовы самалёт, які атрымаў назву "Солар Імпульс-2", павінен стартаваць у Абу-Дабі і затым пераляцець у Аман і далей у Індыю.
За наступныя некалькі месяцаў самалёт наведае ўсе кантыненты акрамя Антарктыды і пераляціць Ціхі ды Атлантычны акіяны.
Пікар і Боршбэрг будуць мяняцца месцамі за штурвалам самалёта. Яны будуць спыняцца ў розных гарадах для рамонту і абслугоўвання самалёта, а таксама будуць чытаць публічныя лекцыі аб альтэрнатыўнай энэргетыцы.