На пажары ў Лідзе эвакуавалі 70 чалавек

Як мяркуецца, прычына пажару - неасцярожнасць падчас палення.

Пра гэта charter97.org паведамілі ў прэс-службе МНС.

«6 красавіка а 22.06 ў цэнтр аператыўнага кіравання Лідскага падраздзялення МНС ад суседзяў паступіла паведамленне аб пажары ў Лідзе.

Па прыбыцці да месца выкліку а 22.11 падраздзяленняў МНС, гарэла аднапакаёвая кватэра, размешчаная на першым паверсе дзевяціпавярховіка.

Гаспадар, 1970 года нараджэння, беспрацоўны, з грамадзянскай жонкай таго ж ўзросту, быў вынесены з палаючага жылля работнікамі газадымаахоўнай службы. Іх выявілі ў пярэднім пакоі, паводле папярэдняй версіі, у стане алкагольнага ап'янення. Мужчына атрымаў цяжкія апёкі 2 - 3 ступені галавы, спіны, ягадзіц, ног, левай рук (45-48% цела) і дастаўлены ў рэанімацыю. Работнікамі МНС з вышэйразмешчаных паверхаў эвакуаваныя 70 чалавек.

Пажар лакалізаваны а 22.17, ліквідаваны а 22.24. У выніку пажару пашкоджаная маёмасць у жылым пакоі, закураныя сцены і столь у кухні», - адзначылі там.

Як мяркуецца, прычына пажару - неасцярожнасць падчас палення.

Фота: МНС