Рассельгаснагляд вярнуў у Беларусь 10 тон сыру
3- 19.05.2015, 12:43
- 4,104
Кіраванне Рассельгаснагляду Калінінградскай вобласці вярнула ў Беларусь 10 тон сыру сумніўнага паходжання.
Як паведаміла прэс-служба ўпраўлення, партыя сыру ўвозілася праз пункт пропуску Чарнышэўскага на расейска-літоўскай мяжы, праз якую ў рэгіён ідзе транзіт тавараў з Беларусі.
На партыю не было прадстаўлена ветэрынарна-суправаджальных дакументаў, якія пацвярджаюць паходжанне і бяспеку тавару. У выніку 10 тон сыру неўстаноўленага паходжання і бяспекі вернутыя пастаўшчыку ў Беларусь.
Нагадваем, што раней Рассельгаснагляд скардзіўся на вялікую колькасць кантрабанднай прадукцыі з Беларусі.